klippikort.fo

Hvat fái eg eitt klipp (stig) fyri?

Tú fært eitt klipp, um tú t.d. brýtur ferðmarkið við persónbili undir vanligum umstøðum við 21 km/t ella meira, koyrir við ov stuttari fjarstøðu til framman fyri koyrandi akfar ella ikki syrgir fyri, at ferðandi í bilinum undir 15 ár eru spent í kravdu trygdarútgerðina.

Kann eg fáa fleiri klipp (stig) eina ferð?

Ja, tað kanst tú gott. Tað verður ikki givin avsláttur fyri at fremja fleiri brot samstundis.

Hvat er eitt klipp (stig) – og hvussu leingi er tað galdandi?

Fært tú eitt klipp, verður tað skrásett hjá politinum. Koyrikortið verður ikki klipt sundur. Hvørt klippið verður strikað aftaná 3 ár.

Hvat er ein treytað frádøming?

Um tú klárar eina eftiransandi koyriroynd (tvs. bæði eina teoriroynd og eina verkliga koyriroynd), sleppur tú at varðveita koyrikortið. Eftir hetta hevur tú eina royndartíð í 3 ár.

Hvat er eitt koyriforboð?

Hevur tú fingið koyrikortið á fyrsta sinni, fyri styttri enn 3 árum síðani, eru reglurnar fyri teg herdar. Tú fært eitt koyriforboð longu aftaná 2 klipp og skal lata koyrikortið frá tær. Fyri at fáa koyrikortið aftur skal tú til nýggja frálæru og nýggja teori- og verkliga koyriroynd.

Hvat er ein treytaleys frádøming?

Tú skal lata koyrikortið frá tær og rætturin til at koyra bil verður tikin frá í eitt tíðarbil. Hereftir skal tú upp til nýggja teori- og verkliga koyriroynd.

Eru serligar reglur fyri lastbilar og bussar?

Tey brot, sum telja við í klippikortinum, eru eisini galdandi fyri lastbilar og bussar. Tó eru reglurnar um brot á ferðmarkið harðari enn fyri persónbilar.

Hví eru reglurnar um klippikortið settar í gildi?

Reglurnar um klippikortið eru settar í gildi fyri at minka um talið av teimum, sum láta lív og fáa álvarligt mein í ferðsluni. Her kanst tú lesa eitt sindur um, hvussu klippikortið varð sett í verk.

The Penalty Point System